كيفية إزالة شعر الوجه : الشمع و الفتلة



السلام عليكم   

اليوم بتكلم عن موضوع أعتبره جدا مهم و دايما تجيني عنه أسئلة هو
إزالة شعر الوجه. 

أول شي ممكن نسأل نفسنا هل فعلا ضروري ازالة شعر الوجه ؟ بالنسبة لي و رأيي الشخصي ازالة شعر الوجه مره مهم و يغير من ملمس الوجه و نعومته و تخليه مشرق و الفاونديشن يفرق مررره على وجه خالي من الشعر

؛ مهما كان شعر الوجه خفيف إلا ما يكون واضح للعين المجردة لأن أغلبيتنا شعورنا غامقة فهالشي يغمق الوجه و يخطط المكياج خاصة البودرة و يخلي الشعر واضح  تحت اضاءة قوية.
أول شيء أحب أوضح معلومة غلط يقع تداولها طول الوقت و هي أنه المفروض ما نشيل شعر الوجه عشان لا يكثف ؛ هالشي 
غير صحيح لكن لما يرجع يطلع الشعر نحس انه اكثف بعد ما  تعودنا على مظهر البشرة الملساء الخالية من الشعر. 

طبعا في طرق كثيرة لإزالة شعر الوجه و أنا بتكلم عن أفضلها بالنسبة لي
شعر وجهي مو كثيف لكن لونه شوي غامق  و من أول مره جربت ازالة شعر الوجه أدمنت الإحساس و المظهر و سار شي ضروري كل أربع الى ست أسابيع .
 لفترة طويلة ما كنت استخدم شي غير الواكس ( الشمع ) في الصالون و فعلا نتيجته رهيبة ؛ يشيل كل الشعر ووجهي يبقى نضيف لمدة طويلة غير أنه سريع و ألمه خفيف ؛ طبعا هنا لازم الحرص على اختيار صالون نضيف و موادهم ذات جودة عالية عشان البشرة ما تلتهب . من عيوب الواكس انه في دايما احتمال انك تنلسعي لو الواكس حار بزيادة و سارت معايا اكتر من مرة غير انه يبقى وجهي أحمر و حساس بزيادة لمدة 24 ساعة و ساعات تطلعلي كم حبة ، اكيد تروح بسرعة لكن حبيت أوضح كل عيوب الواكس .

و مره بدافع الفضول جربت
الفتلة و من وقتها و أنا ما أستعمل غيرها لإزالة شعر الوجه ؛ صحيح الألم فضيع قوي قوي لأنك تحسي بكل شعرة تنشال لكن تخلي الوجه مراية بدون أثر ولا شعرة و التهيج بعد الفتلة ما يتجاوز الساعتين و بعدها وجهي يرجع طبيعي و لا يتحسس و طبعا آمن أكتر من الواكس ؛ يبقى الشي الوحيد اني ما عرفتلها بنفسي فلازم أحجز كل فترة و أروح أسوي لين اكتشفت الأختراع اللي بيكلم عنه في تدوينة اليوم .




آلة ازالة الشعر هي تقريبا محاكاة للفتلة ؛ تعمل نفس عملها لكن بطريقة سهلة و سريعة ؛  تحتاج فترة بسيطة للتعلم و التعود على استعمالها لكن جدا فعال و عملي يكفي اني من يوم أخذتها ما سويت موعد فتلة في صالون أبدا.

أول مرة جربتها كان الوقت متأخر وورايا سفر و مناسبة لازم أحضرها و أبدا ما ضبطت معي أول عشر دقايق و ما شالت و لا شعرة ؛ عصبت من نفسي اني بجرب شي جديد قبل مناسبة مهمة و ندمت اني ماحجزت موعد فتلة ؛ بس بعد ما شفت فيديو في اليوتوب ( بحطه بعد شوي ) و طبقت الطريقة و ضبطت معي و من وقتها ما استخدم غير هالأداة لإزالة شعر وجهي.

 لما حطيت صورته في الانستقرام في بنات قالو انها مؤلمة جدا ؛ صدقوني اللي كتبوا هالكلام ما جربو الم الفتلة لأنه تقريبا نفس الألم و ما أبالغ لما أقول انه احس انه ألمها أخف كمان من الفتلة ؛ الفتلة عيني تدمع من الألم ( اللي تقول ايش اللي حادنا؟ أقولها جربي احساس وجه نظييييييف خالي تماما من الشعر لمدة شهر كامل و بتشوفي أنه 15 دقيقة ألم تعتبر ولا شي أمام احساس النعومة )
و في بنات قالو انهم رموها عشان ما شالت الشعر و فاشلة ؛ احسهم 
مثلي في أول انطباع ما طبقوا الطريقة صح .

كيف تعمل الأداة :






أهم شي انك تبرمي الأداه في اتجاه الشعر و لا تسحبي بقوه بعيد عن الجلد ، خليكي قريبة من الجلد و بس تبرمي الآلة على فوق كل مرة . الكلام ابدا ما يوصل الطريقة فبخليكم مع  الفيديو [ الدقيقة 4:50  و البنت حاطة زوم ان عشان نشوف كيف تبرم الأداة عشان تلقط الشعر و تشيله ]







بعد كل أستخدام بس أبرم الآداة و أنظفها من الشعر العالق فيها و أمسحها بمسحة طبية عشان تكون نظيفة و معقمة و هالشي كلنا نشيل همه لما نروح صالونات و مراكز تجميل .


تهيأة البشرة لأزالة الشعر:

هالشي  جدا ضروري لأي طريقة من طرق ازالة الشعر ؛ لازم البشرة تكون 
نظيفة؛ دايما أغسل وجهي و امسحه بتونر او بموية ورد و أحط منشفة مبلولة بموية حارة , معصورة على وجهي لمدة دقيقتين .


العناية بالبشرة بعد إزالة الشعر:

بالنسبة لي أهم مرحلة لأن البشرة تكون متهيجة و أماكن بصيلات الشعر تكون مفتوحة ؛ فأي تعامل خطأ يمكن يسبب تحسس و حبوب .
نبدأ بأول شي استعمله عشان ابرد على وجهي: جل الصبار ( متوفر في الصيدليات و في المتاجر اللي توفر المنتجات الكورية) هالشي جدا رائع للتخفيف من تهيج البشرة ؛ احطه بعد ازالة الشعر لمدة ربع ساعة إلى نصف ساعة و يروح الأحمرار و الحرارة . 






من الحاجات اللي استعملها لنفس الغرض هي
موية ورد باردة+ نشاء.


بعدها أغسل وجهي و أستخدم
تونر طبيعي زي ماء الورد أو بندق الساحرة (witch hazel ) لإغلاق المسام و أحط مرهم  إسمه فوسيدين Fucidin أو أي مرهم يناسبك و أستمر علية يومين بعد إزالة الشعر عشان ما تطلع لي حبوب .
من الحاجات اللي لازم أذكر فيها انه البشرة بعد إزالة الوجه  تكون حساسة جدا فضروري نبتعد عن التقشير و حمامات البخار و حرارة الشمس لمدة لا تقل عن 24 ساعة .


في مره قريت بنت تنصح بتجنب الفتلة عشان طلعتلها حبوب و لما قريت طريقتها لقيتها استعملت الفتلة و الشمع في نفس اليوم عشان شافت كم شعرة باقي ما انشالت !! ضروري نطبق الشي
بطريقته الصحيحة لأن في حالات كتير يكون عدم الرضى عن المنتج هو بسبب تطبيقنا الخاطئ له فاهم شي اتباع الطرق الصحيحة لضمان سلامة البشرة و الحصول على أفضل النتائج.


و عشان يكون الموضوع شامل أكتر؛ ما تكلمت عن
الحلاوة و ما جربتها للوجه أبدا لسبب بسيط ان لازم تكون الشعرة طويلة عشان تلزق في الحلاوة و تنشال و  هالشي يخليها غير مناسبة بالنسبة لي لإزالة شعر الوجه ، الواكس و الفتلة يتخلصوا من كل الشعر.


لو عندكم تجارب أو تساؤلات عن إزالة شعر الوجه اكتبوها في التعليقات لتعم الفائدة .





19 comments

  1. والله موضوعك مهم وبطل وحمستيني اشيل الشعر بس بشرتتي دهنيه وتطلع لي حبوب على طول ايش الحل😭😫

    ReplyDelete
    Replies
    1. أحسن شي جربته مرهم فوسيدين تلاقيه في الصيدليات ❤

      Delete
  2. ماحكيت من وين جبتي الاداة
    وشي جديد بسوية ابد في صالون
    او اجربها🙀

    ReplyDelete
    Replies
    1. صح حبيبتي لو تاخذي حبتين في اليوم علبة وحدة تكفي
      لو ما عمرك جربتي الفتلة انصحك جربيها في الصالون و شوفي كيف تناسبك .. أخدتها من محل تجميل صغير و البنات حصلوها في نزيه

      Delete
  3. وين الاقي هذه الاله انا مره وحده شلت بحياتي فتله طلعت لي حبوب وصرت اشقر شعر وجهي

    ReplyDelete
  4. وين الاقي هذه الاله انا مره وحده شلت بحياتي فتله طلعت لي حبوب وصرت اشقر شعر وجهي

    ReplyDelete
  5. و عليكم السلام و الرحمة ي هلا 🍥✨

    اعتقد دا الموضوع اللي عرفني ع مدونتك كنت متأملة خير لما شوفت الآلة 👏🏼 و م خاب ظني يحرسك
    كثير شوفت تخاريف خوفتني مرا من اني اشيل خلاص انا صح شعري خفيف بس برضو اشوفو ضروري ينشال و امي تقولي مو واضح مو لازم ، اختي دايما كانت تشيلو ف الصالون بالفتلة و كان مرا يعورها ليما بدأت ع الواكس و احيان المجرمات يشيلولها بالاثنين احح
    عاد انا خلقة احب أسوي شغلي بنفسي و م اتطمن للصوالين ابداً .. م أفتكر امي أخدتها من فين ؟ اصلا ع الأغلب اترمت ههههه محد عرفلها
    بس أشوفها متوفرة دايماً حتى ف الصيدلية و محلات التجميل و سعرها ب العشرة حتى ف محلات ام ريالين
    مهجة و هالمحلات ممكن ف هايبر م ادري بس مو اول مرا أشوفها .. ف نوع كمانا خيط اعتقد تشتغل ع الباتري

    شرحك مرا فادني للامانة ف شكراً شكراً سرت متطمنة للشغلة الله يطمنك دايماً 💜💜✨

    ReplyDelete
  6. طيب هذي الاداة تشيل الشعر من الجذور يعني تنتفه ولا بس تقصه من فوق والجذوره ماتشيلها ��

    ReplyDelete
  7. شركة تنظيف مسابح بالخبر تقدم لكم افضل خدمات تنظيف وصيانة وترميم المسابح بالخبر والدمام والمنطقة الشرقية فتقدم شركة المثالي جروب لتنظيف وصيانة المسابح بالخبر والدمام افضل خدماتها بالاستعانة بافضل وامهر العمالة واحدث التقنيات لتنظيف وصيانة وترميم وانشاء وتعقيم المسابح بالمنطقة الشرقية فلدينا

    شركة تنظيف مسابح بالدمام
    شركة تنظيف مسابح بالقطيف
    شركة صيانة مسابح بالقطيف


    كما توفر شركة المثالي جروب للنظافة الشاملة بالخبر افضل خدمات التنظيف الاخري والتي تقدمها بافضل جودة ممكنة وارخص الاسعار المثالية التي لا تتوفر الا مع شركة المثالي جروب للنظافة الشاملة بالخبر فنوفر جميع خدمات تنظيف المجالس والكنب والسجاد والموكيت والمفروشات بالخبر فمن خلال شركة تنظيف كنب بالخبر تستطيعون الحصول علي نظافة شاملة للكنب والمجالس والمفروشات بالخبر بالاضافة الي خدمات التنظيف الاخري للمطابخ والحمامات والمنازل والشقق والبيوت فلدينا افضل شركة تنظيف مطابخ بالخبر وكذلك افضل شركة تنظيف وصيانة مكيفات بالخبر فلدينا

    شركة تنظيف كنب بالخبر
    شركة تنظيف مطابخ بالخبر
    شركة تنظيف مكيفات بالخبر

    ReplyDelete
  8. نقدم لكم شركة المثالية للتنظيف بالاحساء الشركة الرائدة في تقديم جميع خدمات التنظيف الشاملة للمنازل والشقق والفلل والمجالس والكنب والسجاد والموكيت والمفروشات بجميع مدن ومحافظات المنطقة الشرقية بالمملكة العربية السعودية فتعد شركة المثالية للتنظيف بالاحساء افضل شركة تنظيف بالاحساء حيث تقوم بجميع خدماتها بالاعتماد علي كافة الادوات والاساليب والحديثة بالاضافة الي خبرة عشرات السنوات بمجالات التنظيف ومكافحة الحشرات ورش افضل انواع المبيدات الامتة والفعالة فلدينا شركة المثالية لمكافحة الحشرات بالاحساء والمتخصصة في مكافحة جميع انواع الحشرات وابادتها ابادة تامة بالضمان باستخدام اقوي انواع المبيدات الامنة والفعالة وذات الجودة الدقة العالية فتقدم ابادة الحشرات بافضل جودة وارخص الاسار فحقا هي الشركة المثالية للتنظيف بالاحساء فهي حقا افضل شركة تنظيف ومكافحة حشرات بالاحساء والجبيل وباقي محافظات المنطقة الشرقية بالمملكة العربية السعودية فلدينا شركة مكافحة حشرات بالجبيل المتخصصة بتقديم خدمات مكافحة الحشرات بالجبيل
    شركة مكافحة حشرات بالجبيل

    ReplyDelete
  9. شركة نقل عفش بجدة
    شركة سيرفس تاون سوف تساعدك فى نقل أثاث بكل اريحية وطمانئنية من خلال شركة نقل عفش بجدة أفضل شركة نقل أثاث بجدة تقوم بنقل العفش داخل جدة وخارجها الى جميع مدن المملكة من خلال أفضل العمالة المدربة على أعلى مستوى من الخبرة والكفاءة فى تنفيذ عملية نقل العفش حيث نقوم بفك العفش وتغليفة ونقل ألى اى مكان من خلال أفضل السيارات الى أفضل مخازن التخزين المؤمنة.
    نقل عفش بجدة
    http://www.service-town.com/moving-furniture-in-jeddah/

    ReplyDelete
  10. شركة تنظيف خزانات بالطائف
    اذا اردت الحصول على أفضل شركة تنظيف خزانات بالطائف أفضل العمالة المدربة على اعلى مستوى من الخبرة والكفاءة خدمة ممتازة حيث نقوم بنظافة الخزانات وتعقيمها وتطهيرها بأفضل مواد تنظيف الخزانات الحديثة لكى تحصل على مياه نقية أفضل شركة نظافة خزانات بالطائف ونقوم أيضا بعزل الخزانات بأفضل مواد عزل الخزانات الحديثة خبرة تفوق الخمسة عشرا عاما فى مجال معالجة الخزانات العلوية والارضية.
    شركة عزل خزانات بالطائف

    ReplyDelete

تعليقاتكم الجميلة ❤

Related Posts Plugin for WordPress, Blogger...