سيروم استي لودر للعناية بالبشرة ❤ Advanced Night Repair Serum Estée Lauder

السلام عليكم ♥
اليوم بتكلم عن سيروم استي لودراللي يعتبر من أكثر المنتجات مبيعا في العالم و سارت عليه ضجة كبيرة. 
ترددت كثير في اقتناءه لأني ماكنت حاسة انه في ضرورة تبرر سعره المرتفع خاصة اني أستعمل سيروم فيتامين سي و مرتاحة لنتائجه بس أقنعتني فيه خبيرة تجميل لدى استي لودر.

أول شي حابة أتكلم عن ضرورة أستعمال السيروم و هل هو خطوة مهمة في روتين العناية و إلا ممكن نكتفي بالترطيب ؟
السيروم هو منتج تجميلي علاجي سهل تمتصه البشرة عشان قوامه أخف من الكريم و بستهدف بعض مشاكل البشرة و يعالجها  بينما المرطب يقتصر على حماية البشرة من الجفاف و أعادة الترطيب و الحيوية . ممكن نستغنى عن السيروم بس ضروري نستخدم المرطب . 
أنا شخصيا أشوف انه البنت لما تدخل سن 25 لازم الأهتمام بالبشرة بكون مضاعف لحمايتها من التصبغات و من التجاعيد و أغلب المنتجات اللي تجي على شكل سيروم تعالج هالمشاكل فبالنسبة لي استخدام السيروم جدا  مهم .

 من وصف الشركة السيروم يرطب  و يعطي نضارة للبشرة المجهدة، يقلل الخطوط الرفيعة و يحارب التجاعيد و يوحد لون البشرة. 

تركيبته مناسبة لجميع انواع البشرة و خالي من الدهون و العطور .

السيروم خفيف يستخدم بقطارة على بشرة نظيفة قبل الترطيب . وظيفة السيروم بشكل عام هو علاج مشاكل البشرة و حمايتها و تجديد خلاياها بشكل دوري. 

أول شي العلبة مثل كل منتجات ايستي لودر انيقة و فخمة و تعليبها عملي عشان القطارة تخليكي تتحكمي في كمية المنتج . 

نتيجته اللي لاحظتها هي الترطيب و الأشراق في بشرتي لما أقوم الصباح  مرة حبيته كمنتج للترطيب و النضارة و محاربة تقدم السن { صراحة انا في العشرينات و ما احتاج محاربة تجاعيد بس  مررة مهووسة بالأهتمام من هالناحية خاصة لما اشوف صور لمشاهير في الخمسينات و بشرتهم بدون تجاعيد و اكتر نظارة من بنات في العشرينات ( صحيح العمليات لها دور بس الاهتمام اكتر شي يفرق مع البشرة ) } 

احب انوع و أغير بين المنتجات اللي استخدمها في عنايتي الليلية عشان لما البشرة تتعود على منتج تقل استجابته لكن فعلا الاحظ الفرق لما أستعمل سيروم ايستي لودر من ناحية صفاء البشرة و نعومتها. 

برجع اشتريه بعد ميخلص ان شاء الله و أنصح فيه في حالتين أولا بشرتك مافيها مشاكل كتيرة تتطلب علاج و بس تدوري على نضارة و اشراق و تانيا لو ميزانيتك كويسة. 

سعره تقريبا 600 ريال للحجم الكبير و متوفر في سيفورا, دابنهامز, وجوه , باريس قاليري.

♥♥ يسعدني تفاعلكم 

 عبر  الإنستغرام   miramode90

 الايميل  miramode90@gmail.com