روتين عنايتي بيديني




♥ السلام عليكم

                               اليوم بتكلم عن موضوع مهم جدا للبنات و دايما انسأل عنه : عنايتي بيدي واضافري





٠١ الحماية


تعرفوا مقولة الوقاية اهم من العلاج ؟ هذي تنطبق على العناية بالبشرة بصفة عامة  لانك تقعدي بالأشهر تعوضي اهمال كم اسبوع (الاختبارات مثلا).
بالنسبة لليد فهي تتعرض لعوامل كثيرة تأثر في صحتها و لونها اهمها الشمس و الماء الحار+منتجات التنظيف. الشمس الكل صار عنده وعي بمخاطرها و انه لازم يحطوا واقي كويس لكن الكفوف يا بنات ضروري ضروري تحطيلها الواقي خصوصا بنات الجامعة اللي نص يومها في الشمس لا تستهينوا بهالموضوع ابدا ، الشمس مثل ما تضر وجهك فهي تضر يدك. 
الماء الحار و منتجات التنظيف للأسف ما منها مفر (يا ريت هههه )
) ، ما حتهملي بيتك و تخلي المواعين مكدسه عشان تحافظي علي يدك بس  ممكن تحميها بلبس القلافز المخصص للتنظيف عشان المواد الكيميائية اللي في المنظفات تحرق يدك و تكسر الأظافر و تضعفها فلا تلمسي المواعين أو المساحيق إلا و عليكي قلافز. بعض البنات يشتكو انها تضايقهم و ما يعرفوا يشتغلو و هما لابسينها بس صدقيني هي مسألة تعود فقط لما تصير روتين ما حتحسي فيها ابدا.

٠٢ الترطيب


لازم تحطي في بالك شي مهم : بشرة مرطبة كويس يعني بشرة صحية و صافية و الترطيب يبدأ من الداخل بشرب الماء بإستمرار  ولازم المرطب يصير معاكي في كل مكان (وحده مهووسه بالترطيب، اشوف قدامي مرطب لا اراديا افتحه و احط منه حتا لو مو ليا ههه) ، إشتري مرطبات كثيرة و حطي واحد في الشنطة ما يطلع منها، واحد جنب السرير ، مرطب عند المغاسل (مررررررة مهم) وواحد عالتسريحة عشان تتذكري ترطبي يدك و انتي تجهزي نفسك. 
بصراحة المرطبات انواع و اشكال في الأسواق بس مو تستعملي اي مرطب و السلام، أول شي المرطبات التجارية فاشلة للأسف و ما تسوي اي شي لليد غير ترطيب خفيف مؤقت و ريحة. المرطبات اللي فيها عطور ممكن تسبب اسمرار للبشرة فلا تكثري من استخدامها و لازم تعتمدي على المرطبات الطبية لأنها تعالج و تغذي البشرة.
انا اكثر مرطبين استخدمهم و ابدا ما اتخيلني بدونهم مرطب رييف دو مييل بالعسل من نوكس (تكلمت عنه في الانستغرام )
و مرطب عميق من يوسيرين .
مرطب نوكس فيه عسل و زيوت طبيعية و فيتامينe , ريحته مرررة حلوة و ترطيبه عميق تمتصه البشرة بسرعة و من اول استخدام تحسي بشرة اليد تصير ندية و فيها لمعه.
مرطب يوسيرين ترطيبه اعمق و بدون روائح تماما فمناسب للي بشرته حساسه ولا عنده اكزيما مثل ما قريت في النت.
استخدمت فازلين الوردي للعناية ياليد و الأظافر و ما حبيته ابدا حسيته لزج و مرررة خفيف و ريحته مزعجة. 






في الليل اعتمد الزيوت و الزبدات الطبيعية للترطيب العميق. قبل لا انام احط اي شي متوفر و افضل شي شفت نتايجه زيت الزيتون يفتح لون الكفوف و زبدة الشيا و ساعات احط فازلين على الأظافر يقوويها.





٠٣ التقشير


لازم كل اسبوع تقشري كفوفك مرة عشان تشيلي الجلد الميت  ، تخلطي ليمون+زيت زيتون+سكر و تفركي فيها كفوفك و مع تكرار الاستعمال حتخلصك من اسمرار المفاصل بس يبغالها شوية صبر و استمرار. 
ممكن كمان تجيبي اي مقشر جسم جاهز عندك و تستخدمي منه لكفوفك. بعد التقشير ضروري نستخدم مرطب قوي عشان ما تكون النتيجة عكسية. 






٠٤تقوية الأظافر


في منتجات كثيرة و فيتامينات تستخدم لتقوية الأظافر انا استخدم حبوب  الأوميغا3 بشكل يومي و كمان استخدم حبوب Maxi Hair  و ناوية اخصصلهم بوست كامل عشان بنات كثير يسألو عنهم.  ( 
كتبت الموضوع هنا  )
و اهم شي بنات لازم نتذكر انه حالة البشرة و الشعر و الأظافر يتأثر كثير بالأكل اللي نستهلكه فلو تعاني من تكسر الأظافر بسرعة أو انها ما تطول حاولي تراجعي اكلك و تعتمدي ع الفواكه  والخضروات و الأكلات الصحية لأنه مهما حطيتي منتجات غالية ما حتشوفي نتيجتها لو نظامك الغذائي سيء.

٠٥تبييض الأظافر  


ساعات الأظافر يصير لونها باهت و أصفر خاصة لو ما تستخدمي واقي او بيس قبل المانيكير و عشان يرجع لونها ابيض و تصير نظيفة و تلمع انا استخدم فرشة اسنان مخصصتها لأظافري و شوية معجون اسنان و افركهم مرة او مرتين في الأسبوع.  و لازم تقصي الجلد حول الأضافر كل فترة و ترتبيهم لوحدك أو في الصالون مرة في الشهر (لا تستخسري الدلع في نفسك و اتذكري انه انوثة المرأة تبدأ من تفاصيلها الصغيرة زي اليدين و الأقدام و الأظافر)



و خلصنا البوست الطويل اللي حاولت اشمل فيه كل ما يخص العناية باليدين و الأظافر من خلال تجربتي. اتمنى تستفيدوا منه 

 يسعدني تفاعلكم 

 عبر  الإنستغرام   miramode90

 الايميل  miramode90@gmail.com

2 comments

  1. شركة نقل عفش بالدمام
    جميعنا يقلق كثيرا عندما يضطر الى النقل لمنزل اخر او شراء منزل او شركه وفرشها بالعفش وكذلك الشركات وفرش المكاتب, ولكن لا قلق بعد الان مع شركة نقل اثاث بالدمام , فتقدم الشركة خدمة نقل الاثاث بطرق حديثه ومتطورة بدون حدوث كسر في الاثاث وتتميز الشركة بالأمان في النقل لأنها تعتمد على مهارة النجارين لديها وايضا الآلات الحديثة جدا التي تسهل هذه المهمة .
    نصائح لنقل العفش
    1- تجميع الاغراض الصغيرة والاوراق اولا كلها في حقائب وذلك لسهولة النقل مع الاثاث وتجميع الملابس ايضا في الحقائب وافراغ الدواليب من الملابس واغراضك الشخصية واغلاقها جيدا
    2- اما المطبخ فتجمع الاشياء القابلة للكسر وتلف بورق او اقمشه لتجنب كسرها ووضعها في كرتونه مدون عليها كلمة المطبخ لمعرفتها وسهوله تفريغها في المكان الجديد
    3- اما تفكيك الاثاث مثل الدواليب والمطابخ والغرف فهي مهمة شركتنا
    4- بعد فك الاثاث يغلف جيدا حتى لا يتعرض للكسر وللأتربة والخدوش وتلك مهمه الشركة ايضا ثم يتم النقل بكل سهوله وبساطه دون داعى للقلق .
    ما تتميز به شركة نقل العفش بالدمام
    1- الحفاظ على خصوصيه الاشياء ونقل الحقائب بكل امانه مع الاثاث
    2- تتميز الشركة بان لديها سيارات مجهزه لنقل العفش دون حدوث خسائر
    3- الشركة لديها عمال نجارين يتصفون بالمهارة في فك وتركيب الاثاث
    4- تضيف الشركة خدمة تغليف الاثاث لتمنع حدوث كسر او خدش بالأثاث
    5- لدينا خدمة تخزين الاثاث واماكن مجهزه ومخصصه لتلك الخدمة
    6- تتميز الشركة بانها ارخص شركة نقل عفش بالدمام
    7- لدينا خدمة عملاء ترد على جميع استفساراتكم بخصوص نقل الاثاث ونلبي طلبات اي عميل في اي مكان .
    https://forsan-elnil.com/arabicid1/
    https://forsan-elnil.com/movers-in-dammam-500232/

    ReplyDelete

تعليقاتكم الجميلة ❤

Related Posts Plugin for WordPress, Blogger...