تجربتي مع برامج العناية بالبشرة في كوريا ❤





مساء الخير 


اليوم و أخيرا بعد وعد مطول راح أفتتح سلسلة أسرار العناية بالبشرة الكورية و أهم النقاط اللي ممكن نستفيد منها للحصول على بشرة مثالية. 


مواضيعي بهالخصوص بتكون عقلانية و واقعية و مبنية على تجربة و معايشة حقيقية بعيدا عن المبالغات ؛ متابعاتي يعرفو اني عايشة في كوريا من أكثر من خمس سنوات و أتعامل معهم بشكل يومي بلغتهم فأعتبر نفسي مصدر دايركت للمعلومة و ان شاء الله أوصلها بشكل نافع و مفيد.  



طبعا الانفتاح على الثقافة الكورية في السنوات الأخيرة من خلال ثقافة الكي بوب و الدراما الكورية خلانا نتعرف على جانب من العالم كنا ما نحسبله حساب كبير في عالم الجمال و التجميل . و مع كل المدح للبشرات النقية الصافية اللي تتمتع بها الكوريات انفتح مجال بزنس جديد و هو : تصدير أسرار الجمال الكورية عن طريق منتجات عناية كورية .  بخصص موضوع كامل للحديث عن المنتجات الكورية و هل هي فعلا كما يروج لها و الا بس باكيج كيوت + دعاية قوية و ايش هي المنتجات الي فعلا رائعة و فعالة .

اليوم بيكون حديثنا عن العيادات و حبيت أبدأ السلسلة بهالموضوع لأني أحسه من الأشياء اللي صعب الواحد يلاحظها إلا لو كان عايش هنا . بشرتي ما كانت سيئة لكن تعاملي معها تغير 180 درجة و تأثرت كتير بكل اللي تلقيته في كوريا و النتيجة رائعة الحمد بطريقة الكل لاحظها و أشوف الفرق الكبير بينها و بين بشرة بنات سني لما أرجع في الإجازات.

كلنا ندور على المنتج المعجزة ؛ اكسير الشباب و الجمال اللي بيحولنا جذريا ، لذلك كل المواضيع اللي فيها تهويل و مبالغة تلاقي تقبل كبير . في النهاية لازم نعرف و نقتنع أن البشرة من أكثر الحاجات اللي تتطلب مشوار و تجارب و بحث عشان توصلي للفورميلا أو المعادلة اللي تناسبك و تحققلك بشرة جميلة و صافية و يمكن المعادلة اللي تناسبك ما تناسب صديقتك أو قريبتك فدائما ركزي مع شرح المنتج و مكوناته مو أسمه و لا الشركة المصنعة ! هالشي أول درس تعلمته في كوريا و أتمنى ان يكون لي دور و لو بسيط في نشر المعلومة الصح و اللي تكون عندك ثقافة عن المنتجات بدال ما تخلي عندك نهم للتسوق و تجربة اي شي عليه مدح .
على قد ما سافرت و رحت بلدان حتى القريبة من كوريا مثل الصين و اليابان بالنسبة لي بشرة الكوريات تبقى الأفضل و أكثرهم صفاء و مثالية ؛ ما أحب اصنف مواضيع الجمال و البشرة حسب العرق و الدولة و أعتبره ضرب من ضروب البلاهة لأن البشرة الجميلة ليست حكر على جنسية معينة لكن الجينات و نمط حياة بعض الشعوب إضافة الى هوسهم بالعناية يخليهم متميزين و كل هالصفات تجتمع في كوريا. يعني أكيد في بنات هنا بشراتهم مو برفكت لكن نسبتهم قليلة و أصعب مهمة في كوريا انك تحددي عمر بنت لأن الأغلبية بشراتهم نضرة و و فيها حياة و حيوية حتى بعمر ما بعد الأربعين و هالشي أكبر مميزاتهم.
غير العناية المكثفة اللي توصل مراحلها لعشر مراحل كمتوسط المنتجات اللي تستعملها البنت بشكل يومي على بشرتها و الحرص الشديد على استعمال مواد طبيعية و الحماية من الشمس من أكثر الأمور المثيرة للاهتمام هي حرص الكوريات على برامج العناية في العيادات .

عيادات البشرة في كوريا من تجربتي تتميز بالتقنيات المتطورة و المصداقية في التعامل . لكن الفرق في تعاطي الكوريات مع برامج العيادة انهم ما يعتبرو هالبرامج إلا مكمل لعنايتهم الشخصية . ايش يعني هالشي ؟ يعني ما يروحو العيادة و يدفعو مبلغ و يتوقعو التغيير الجذري . لا هالشي يعتبر روتين حياة ؛ كل شهر في تخصيص لوقت و مبلغ مالي لبرنامج يحدده الدكتور اللي يشوف بشرتها.  هالعبء المالي في كوريا يعتبر شي عادي جدا لانهم يهتموا بالمظاهر بشكل يفوق كل تصور .

و لا يعني كمان أن هالكورسات سعرها رخيص بالعكس لكن الفرق ان متوسط الدخل في كوريا يعتبر عالي و أغلب البنات موظفات و عندهم دخل قار و بما أن عائلاتهم صغيرة جدا في الأغلب عدد الأبناء و الأحفاد ما يتجاوز الأثنين  فالدلال و الدلع يكون مضاعف
(وحدة من صاحباتي الكوريات هدية تخرجها من الجامعة من جدتها كانت باكيج عملية تجميل للأنف و الفك ههه).
فتخصيص مبلغ ألف أو ألفين كل شهر للعيادات غير منتجات العناية لا يعتبر شي غريب أبدا .

" الشي اللي أحب أوصله حبيباتي أنه اللي نشوفه في الدراما الكورية مو نتيجة منتجات بس لا في عناية مكثفة و تدخل طبي مستمر و اعتماد منتجات طبيعية و طبيبة و نظام حياة كامل مو إبرة عند دكتور و الا ليزر تصفية مرة في العمر حتغير البشرة "
 و كمان ما أحب يجيكم احباط لأن برامج عناية العيادات هي مكمل لعنايتك في البيت و لا يمكن اعتبارها الأساس .
 بالنسبة لي أعتبر:
البشرة الجميلة = 30% وراثة + 50% عناية + 20% تدخل طبي و تجميلي من خلال تنظيف و تقشير و غيره
و متأكدة كل بنت بتكون راضية و مبسوطة لو حققت 80% لان المكياج يقدر يكمل الناقص و يحقق المظهر المثالي .

عيادات التجميل هنا في تنافس مستمر لتقديم الأفضل بالرغم عددها الكبير ( في منطقة غانقنام في شارع كامل كله عيادات تجميل و عيادات بشرة ، في الحي اللي أسكن فيه ما لا يقل عن ثلاث عيادات فخمة و مرتبة و في المنطقة اللي فيها عملي في عيادات راقية جدا عندها شفتات ليلية عشان البنات اللي يخلصو دوامهم متأخر ) ، اليوم بتكلم عن تقنية مشهورة هنا عباره عن ليزر يعطي نضارة و حيوية للبشرة Dermashine.
البشرة تفقد الكثير من خصائص الترطيب اللي تعطي النضارة و المظهر الشاب للبشرة بسبب فقدان عناصر مثل
الهيالورينيك أسيد ، الليزر يحقن البشرة بالحمض من خلال خمس ابر صغيييرة تفرز الحمض اللي عنده قدرة يمتص لغاية 1000 ضعف وزنه من الماء و يحتفظ بيه كخزان للترطيب . تأثير الليزر يبدأ من بعد أسبوع و يستمر لمدة 6 أشهر و سعره يترواح بين 3000 و 5000 ريال حسب العيادة .



الصور لبنت جربت الليزر في نفس العيادة و دونوا تجربتها ، طبعا في النتيجة الأخيرة هي حاطة ميك أب بس مفعول الليزر واضح و اللمعة اللي في وجهها بدون إضاءة .


طيب طالما المفعول ما يستمر أكثر من ستة أشهر ليش كتبت عنه ؟ أولا عشان ابينلكم أن العناية في كوريا لها طرق متعددة و كتيرة و حتى المنتجات اللي تستخدم مختلفة عن المنتجات المسوقة عندنا و اكيد نقدر نستفيد باعتماد سيروم حمض الهيالورينيك في روتين عنايتنا بالبشرة و أشهرها سيروم  دكتور أوز نتائجه رائعة و مناسبة جدا للبشرة الجافة و الي ناقصة نضارة أو لو عمرك فوق الثلاثين .

لهالسبب الدكتور نصحني ما أسوي ليزر الهيالورينيك لاني ما أحتاجه و اقترح علي تجربة تقشير عالبارد Aqua peel تنظف البشرة بشكل عميق و بعدها تفرز مواد مرطبة تعطي نضارة و تفتيح . سعره 1500 ريال و مره حبيت نتيجته و بسويه مره تانية بعد أسبوعين ان شاء الله . أول مره وجهي ما يكون فيه علامات إرهاق و تعب على آخر الأسبوع و لو ما أحط شي غير الواقي بشرتي فيها نضارة و ترطيب غير المسامات النظيفة .



و خلصنا تدوينة اليوم و بأذن الله ماراح تكون الأخيرة في هالمجال. لو عندكم أسئلة أو تجارب شاركونا في التعليقات ♡





11 comments

  1. أخييييييييييييرا .. شكرا و ننتظر منتجات كورية

    ReplyDelete
  2. ي مساءكك 💃🏻

    حبيت و مرا استمتعت ب التدوينة و انا برضو لاحظت م شاء الله عليهم بشرتهم صحية بشكل
    حمض ha 😭😭😭😭 من يوم م عرفت انو يقل ف الجسم بعد ال ١٨ و انا موسوسة م ابا اكبر خلاص بقيلي شهرين بس 😂😂
    ح اشوف ايش هرجة سيريوم دكتور أوز مدري ليه دايماً حسيتو تجاري

    ممم ايش رأيك تتكلمي عن عناية المراهقات .. للان المنتجات الكورية حدي للشعر او ميكب او ماسكات للوجه بس ان شاء الله أتعمق اكثر بما اني احب اجرب

    شكراً و متحمسة للبوست الجاي

    ReplyDelete
    Replies
    1. عفوا عفوا حبيبتي و نورتيني بتعليقاتك الجميلة .. ان شاء الله بتكلم اكتر عن العناية الكورية وبخصصلها بوستات كتير عشان أشرح كل شي بالتفصيل .. و العمر كله ان شاء الله . أهم شي الواقي لا تنسيه .. الشمس عدو شباب البشرة ...

      Delete
  3. ..

    مسآء النور ميرا

    :D آخيرا لقيت احد عرف سر من اسرار بشرة الكوريات
    صحيح اتفق معاك في نقطة بشرة الكوريات تبقى الأفضل
    في ناس تقول البياض السبب انا اقول لا شوفو بياض الاوروبيات نفس الكوريات بس مو بجمال بشرتهم
    الي يتابع الكوريين بيعرف قد ايش عندهم هوس الجمال و البشرة

    شكرآ ميرآ ع التدوينة أستفدت جدآ اذا عرفتي شي جديد عن عنايتهم بالبشرة اسدحيه هنا :D


    ~

    ReplyDelete
  4. حبيبتي مشكوره على المعلومات المفيده والمدونات الرائعه..بالنسبه للعيادات في كوريا هل هناك عياده متميزه وتكون الأفضل او كلهم نفس الشي .. لي زياره لأول مره لكوريا لمدة قصيره وناويه استشير دكتور شاطر لعلاج الكلف بما انها مشكلتي اللي لي سنين أعاني منها ... طبعا كل ما أتمنى علاج لو يخفف من التصبغات.. هل تنصحيني بعياده معينه..ولك جزيل الشكر
    Kazouae@hotmail.com

    ReplyDelete
    Replies
    1. اهلا يا قلبي ان شاء الله تنبسطي في زيارتك لكوريا.. العيادة اللي اروحها و اسوي فيها تنظيف اسمها CNP و عندهم فروع كتير بس مشكلتهم مو كل دكاترتهم يتكلموا انقلش و عشان انا احكي كوري ما ضايقني الموضوع .
      في عيادة ممتازة للاجانب و دايما يمدحوها اسمها hushu و موقعها :http://dermatology.hus-hu.com/
      الانقليزي ممتاز و تعاملهم رائع .. اشرحيلهم انك في زيارة قصيرة و ا حتقدري تواصلي الجلسات و الدكتور بينصحك ان شاء الله ..موفقة ❤❤

      Delete
  5. اهلا بغيت اسالك عن شي الحين كيف عشتي في كوريا ٥ كيف اخذتي تصريح وعشتي هناك ؟!الي اعرفه ان كوريا ما فيها لجوء هل انتي تدرسين هناك او وشو؟

    ReplyDelete
  6. شركة سيرفس تاون أفضل شركة تقوم بخدمات مكافحة الحشرات فى مكة عبر شركة مكافحة حشرات بمكة وجدة ورشها بأفضل المبيدات الحشرية وبافضل العمالة المدربة عبر شركة مكافحة حشرات بجدة ونقوم فى الشركة بمكافحة العتة والنمل الابيض والفئران والصراصير ورشها بأفضل المبيدات عبر الشركات التية :
    شركة رش مبيدات بمكة
    شركة رش حشرات بجدة

    ReplyDelete

تعليقاتكم الجميلة ❤

Related Posts Plugin for WordPress, Blogger...