طريقة صنع مقشر فرانك في البيت☆ DIY Frank Scrub








السلام عليكم   ♥

أتوقع ما  في أحد باقي ما سمع عن المقشر العجيب فرانك و انا كتبت عن تجربتي معاه في مدونتي و كمان طريقة الطلب هنا:
اليوم جبتلكم طريقة صنعه في البيت للي تعذر عليها توفير المنتج و طلبه أو كبديل منزلي للي جربته و حابة تستمر عليه.   في وصفات  كوفي سكراب كتير و أنا نفسي نزلت طريقتي المفضلة قبل كدا بس ما حبيت اكتب هالطريقة إلا بعد ما أجرب المقشر الحاهز
بنفسي و أقلكم نفسه أو لا و مو مدح في شغلي بس و الله مافي أي فرق بينهم في القوام و الريحة و النتيجة وكمان الكمية اللي سويتها كبيييرة مقارنة بالمقشر  بتكفيني فترة طويلة أن شاء الله .
نصيحتي أنك تشتري وحدة فرانك سكراب جاهزة  و شوفي قوامها و جربيها على جسمك عشان من جد تحسي الفرق لأن صعب تحكمي على شي بدون تجربة لكن بحاول أوصلكم الفكرة قد ما أقدر.





المكونات كتبتها في الصورة اللي راحت نقلتها بالضبط بدون أي تغيير من كيس المنتج و ترا ما عندهم شغل خلطة سرية و محد يعرفها ! لا ملزمين بالقانون بالأفصاح عن كل المكونات .


 طيب نبدأ بالمكونات:

 ثلاث أكواب قهوة سوداء محمصة و مجروشة التركية ماحتنفع لأنها مطحونة ناااااعمة و احنا محتاجينها وسط عشان السنفرة ؛ هالنقطة مرة مهمة بس سهلة ، الكوفي المطحونة متوفرة في كل السوبر ماركتات و الكوف شوبس ؛ القهوة العربية ما تنفع لان هدفنا صناعة سنفرة فرانك بالضبط ]
 ♥ نصف كأس  زيت لوز حلو
 ♥ كوب ملح [ يكون ناعم أنا استخدمت ملح الهامالايا مخصص للجسم بس أي ملح ينفع حتا ملح الطبخ أهم شي يكون ناعم ]
 ♥ كوب سكر بني
 ملعقة زيت مستخلص البرتقال متوفر عند العطارين و له فوائد كثيرة للتخلص من السيلوليت بس لازم نكون حذرين من الكمية لأنه مستخلص مركز ملعقة بس كفاية
 ملعقة زيت الفيتامين أي أو محتوى ثلاث كبسولات فيتامين e من الصيدلية .




قوام السنفرة لازم  يكون بالضبط زي التربة المبللة شوي  فكري في شكل التربة الندية كدا لازم يكون قوام السنفرة لا ناشف و لا سائل .
أول شي نخلط الكوفي و الملح و السكر و نمزجهم كويس و بعدين نصب زيت اللوز الحلو شوية شوية و نخلط في نفس الوقت ؛ لازم ننتبه ما نحط زيت كتير عشان ما تصير سائلة بس يادوب نبللها بالزيت . و آخر مرحلة نحط زيت الفيتامين e و زيت اليرتقال و نخلط .


النتيجة تجنن من جد مافي أي فرق و ما ينفع نغير المكونات هنا عشان هدفنا نسوي سنفرة فرانك في البيت.
صراحة انبهرت من النتيجة في الشاور و حبيت اني أفيدكم خصوصا إني مستعملة مقشر فرانك و أقدر أقارن بينها و بين اللي سويتها بنفسي .


الكيس الواحد من مقشر قرنك فيه ميتين غرام و يكفي تقريبا شهر؛ الكمية اللي سويتها أنا  500 غرام و ما كلفتني شي بحكم انه كل المكونات موجودة عندي في البيت. و هالفيديو من انستقرامي توضيح لقوام السنفرة بعد ما خلطت مكوناتها عشان أعطيكم فكرة عن شكلها.



دعواتكم   
أن شاء الله الموضوع مفيد للجميع


 يسعدني تفاعلكم 


 عبر  الإنستغرام   miramode90



 الايميل  miramode90@gmail.com

13 comments

  1. حاجة جميلة تشكرلار

    ReplyDelete
    Replies
    1. شكرااااا عالتعليق الحلو ❤❤

      Delete
  2. حاجة جميلة تشكرلار

    ReplyDelete
  3. السلام عليكم
    أخبارك ياعسل
    سويت مقشر فرانك وبعدين لقيت مدونتك بس راح أجرب المره الثانيه مع مستخلص البرتقال
    يسعدك
    ^^

    ReplyDelete
    Replies
    1. و عليكم السلام حبيبتي 💖 أكيد بكون بخير طالما تجيني تعليقات جميلة زي تعليقك . شكرا على مرورك يا عسل و ان شاء الله يعجبك المقشر ، صدقيني ادماااان 👌💖

      Delete
  4. This comment has been removed by the author.

    ReplyDelete
  5. اقولك حبيبي المكونات كلها عندي بس الكوفي مو عارفا ): ممكن تحدديلي نوع اقدر استخدمو ومرا شكرااا 💜💜

    ReplyDelete
    Replies
    1. حبيبتي الكوفي السوداء مطحونة وسط أو التركية مطحونة وسط ; تحصليها عند الرفاعي كلها

      Delete
  6. This comment has been removed by the author.

    ReplyDelete
  7. تضيفين ملعقة صغيرة أو كبيرة من مستخلص البرتقال؟؟

    ReplyDelete
  8. ينفع لو حطيت نسكافيه ؟؟


    كنت اسوي بالنسكافيه وسكر وزيت زيتون حلوه بس حابه اجرب هذي 😍😍😍

    ReplyDelete
  9. الله يعافيك حبيبتي
    ابغى أسأل عن السكر البني سكر حق الحلويات والا السكر البني العادي الخشن حق الرجيم

    ReplyDelete

تعليقاتكم الجميلة ❤

Related Posts Plugin for WordPress, Blogger...