Vitamin E Oil ☆ E زيت الفيتامين





السلام عليكم   


اليوم التدوينة بتكون عن الفيتامين  E و فوائده  التجميلية العديدة.
هو من أكثر الفيتامينات اللي لها علاقة مباشرة بصحة البشرة و جمالها ، شفت عنه ريفيوهات و تجارب في اليويتوب و النت من سنين و تحمست اني أضيفه في روتين عنايتي.

أولا الفيتامين E مضاد للأكسدة ( مضادات الأكسدة ضرورية للبشرة عشان تحميها من العوامل اللي تسبب الإلتهابات و الفيروسات) ، كمان مضاد للتجاعيد و أغلب كريمات الحماية من التجاعيد تحتوي على فيتامين e. و يحفز عمل الكولاجين في الجلد: طبعا الكل يعرف أهمية الكولاجين لنضارة و شباب البشرة و بما أنه إنتاج الكولاجين ينقص بشكل كبير بعد سن العشرين استعمال مضاد للأكسدة شي ضروري للحفاظ على بشرة جميلة. كثير من التجارب تكلمت عن فعاليته في علاج الآثار خاصة لو كانت جديدة .

أنا جربته على أثر صغير في رجلي ، أحط قطرة منه على الأثر و اعمل ماساج خفيف . استمريت عليه كذا شهر و فعلا خف الأثر بطريقة ملحوظة و تقريبا اختفى. لو عندك آثار حبوب في وجهك أو جسمك الفيتامين e بيساعدك في التخلص منها و توحيد لون الجلد. كمان أستخدمه للترطيب العميق لمنطقة تحت العين يحافظ عليها من الهالات و يغذيها.. و أضيفه لماسكات للوجه (أفوكادو+عسل +فيتامين e ) يساعدني في التخلص من علامات الإرهاق و التعب . كمان أحط منه كم نقطة  على يدي و أظافري في الليل للترطيب العميق.
شفت طرق عديدة لاستخدامه حتا لماسكات الشعر و صراحة من الفيتامينات اللي ضروري كل بنت تستخدمها.
عيبه الوحيد إنه ثقيل و يدبق عشان كدا أفضل أستعماله في الليل قبل النوم و مو بشكل يومي.

الفيتامينات تنباع ككبسولات أو كزيت . الزيت أسهل للاستخدامات التجميلية لكنه غير متوفر في السعودية , لكن الكبسولات موجودة  في كل الصيدليات و بسعر مناسب بس طلعي الزيت من الكبسولة بأبرة و استخدميها.

الزيت ممكن تتطلبيه من النت أو التاجرات,سعره في حدود الخمسين. 


 يسعدني تفاعلكم 

 عبر  الإنستغرام   miramode90

 الايميل  miramode90@gmail.com

1 comment

تعليقاتكم الجميلة ❤

Related Posts Plugin for WordPress, Blogger...